Հասարակություն
9 օգոստոսի 2026 • 12:41
ՆԳՆ-ն հերքում է Դաշտավանում կրակոցների մասին լուրերը․ կան ձերբակալվածներ
Ըստ պաշտոնական հաղորդագրության՝ օգոստոսի 9-ին՝ ժամը 00:40-ի սահմաններում, ՆԳՆ օպերատիվ կառավարման կենտրոն ահազանգ է ստացվել Դաշտավան գյուղի եկեղեցու մոտ տեղի ունեցող վիճաբանության մասին։
Զանգվածային լրատվամիջոցներում օգոստոսի 9-ին լուրեր են տարածվել, թե Արարատի մարզի Դաշտավան գյուղում տեղի ունեցած ծեծկռտուքի ընթացքում հնչել են կրակոցներ և կան վիրավորներ։
ՀՀ ՆԳՆ հանրային հաղորդակցության և իրազեկման վարչությունից հայտնում են, որ կրակոցների վերաբերյալ լուրերը չեն համապատասխանում իրականությանը, և հրազենային վնասվածք ստացած որևէ անձ չկա։
Ըստ պաշտոնական հաղորդագրության՝ օգոստոսի 9-ին՝ ժամը 00:40-ի սահմաններում, ՆԳՆ օպերատիվ կառավարման կենտրոն ահազանգ է ստացվել Դաշտավան գյուղի եկեղեցու մոտ տեղի ունեցող վիճաբանության մասին։
Դեպքի վայր մեկնած ոստիկանության ծառայողները պարզել են, որ մի խումբ անձանց մասնակցությամբ վիճաբանությունը վերածվել է ծեծկռտուքի, որի ընթացքում կողմերը միմյանց հարվածել են քարերով, մահակներով և կռփազենքով (կաստետով)։
Ձեռնարկված օպերատիվ-հետախուզական միջոցառումների արդյունքում խուլիգանություն կատարելու անմիջականորեն ծագած կասկածանքով միջադեպի մի քանի մասնակիցներ ձերբակալվել և տեղափոխվել են Համայնքային ոստիկանության Մասիսի բաժին։
Դեպքի առթիվ կազմված փաստաթղթերը ներկայացվել են նախաքննական մարմին, նախաձեռնվել է քրեական վարույթ։ Հանգամանքները պարզվում են։
Կարդացեք նաև
Հասարակություն9 օգոստոսի 2026
Հրդեհ Սոլակ բնակավայրում․ այրվել է տանը կից շոգեբաղնիքը
Տեղում պարզվել է, որ կրակը բռնկվել է բնակելի տանը կից՝ մոտ 70 քմ մակերեսով շոգեբաղնիքում։
Հասարակություն9 օգոստոսի 2026
Էջմիածնում ոստիկանները կանխել են սառը զենքերի կիրառմամբ զինված հաշվեհարդարը
Իրավապահների հայտնվելու պահին կասկածյալներից երկուսը փորձել են ազատվել սառը զենքերից․ դեպքի վայրի զննությամբ հայտնաբերվել է մեկ կռփազենք (կաստետ) և գաղտնի փականով դանակ։
Հասարակություն9 օգոստոսի 2026
Արգամ Աբրահամյանը կալանավորվեց 2 ամսով․ նա մեղադրվում է սպանություն պատվիրելու մեջ
Իրավապահ մարմինների փոխանցմամբ՝ նախօրեին ձերբակալված Ա․ Աբրահամյանին մեղադրանք է առաջադրվել սպանություն պատվիրելու հոդվածով։