ՆԳՆ-ն հրապարակել է ընտրությունների օրվա առաջին ամփոփ տվյալները

Հունիսի 8-ին՝ ժամը 10։00-ի դրությամբ, ՆԳՆ օպերատիվ կառավարման կենտրոնի 112 հեռախոսահամարին և 87-67 թեժ գծին ստացվել է 619 ահազանգ, այս մասին հայտնում է ՀՀ ներքին գործերի նախարարությունը։

Արձանագրվել են կրկնաքվեարկության 52, քվեարկության գաղտնիության խախտման 27, ընտրական իրավունքի իրականացմանը խոչընդոտելու 9 և ընտրակաշառքի 4 դեպքեր։ Փաստաթղթերը փոխանցվել են նախաքննական մարմին, իսկ 18 անձ ձերբակալվել է։

Ենթադրյալ իրավախախտումների վերաբերյալ 322 հաղորդում գտնվում է ստուգման փուլում։

ՆԳՆ Միգրացիայի և քաղաքացիության ծառայության տվյալներով՝ ընտրողների լրացուցիչ ցուցակներում ընդգրկվելու համար դիմել է 2435 անձ, իսկ ժամանակավոր անձը հաստատող փաստաթուղթ ստացել է 1221 քաղաքացի։

Ծառայության «Զանգերի կենտրոնում» ստացվել է 1725 զանգ, իսկ բաժիններում և շրջիկ գրասենյակներում խորհրդատվություն է տրամադրվել 1745 քաղաքացու։