Նիդերլանդները պատրաստ է աջակցել Հայաստանի վարդի արտադրության արտահանմանը․ Փաշինյան

Նիկոլ Փաշինյանը հայտնել է, որ Նիդերլանդների վարչապետը անձնական նամակով պատրաստակամություն է հայտնել աջակցել Հայաստանի վարդի արտադրողների արտահանման հնարավորություններին։ Վարչապետի խոսքով՝ երկարաժամկետ աշխատանքի արդյունքում ձևավորվել է հնարավորություն հոլանդական շուկա մուտք գործելու համար, իսկ պետությունը շարունակել է տնտեսվարողներին հորդորել համապատասխանեցնել արտադրանքը միջազգային ստանդարտներին։

Հայաստանի վարչապետ Նիկոլ Փաշինյանը հայտնել է, որ Նիդերլանդների վարչապետը իրեն ուղղված, այդ թվում՝ անձնական նամակում, ընդգծել է պատրաստակամությունը՝ աջակցելու Հայաստանի տնտեսվարողներին վարդի շուկայի զարգացման և արտահանման ընդլայնման հարցում, այս մասին նա հայտնել է Կառավարության 2026 թվականի հունիսի 11-ի հերթական նիստի ընթացքում։

Փաշինյանի խոսքով՝ երկար ժամանակ քննարկվել է Հայաստանի վարդի արդյունաբերության համախմբման և զարգացման հարցը՝ նպատակ ունենալով ապահովել մուտք դեպի հոլանդական շուկաներ։

«Շաբաթն ուրբաթից շուտ եկավ և հիմա ստեղծվել է իրական հնարավորություն»,– նշել է նա։

Վարչապետը ընդգծել է, որ վերջին ութ տարիների ընթացքում պետությունը հետևողականորեն աջակցել է տնտեսվարողներին՝ հորդորելով համապատասխանեցնել արտադրանքը միջազգային ստանդարտներին։ Նրա խոսքով՝ այժմ պարզ կդառնա, թե ովքեր են օգտվել այդ աջակցությունից և ծրագրերից, և ովքեր՝ ոչ։

Փաշինյանը վստահություն է հայտնել, որ այն տնտեսվարողները, որոնք համապատասխանել են պահանջներին, որևէ խնդիր չեն ունենա արտահանման և շուկաներ մուտք գործելու հարցում։

Նիդերլանդները պատրաստ է աջակցել Հայաստանի վարդի արտադրության արտահանմանը․ Փաշինյան

Կիսվել

Կարդացեք նաև

Դեպի ՌԴ արտահանվող կաթնամթերքի սահմանափակումը ՀՀ–ի համար լուրջ ռիսկ է. Համաշխարհային բանկ

Որպես ԵԱՏՄ լիարժեք անդամ և երկիր, մտահոգված ենք ԵԱՏՄ ճակատագրով. Գևորգ Պապոյան

Արտարժույթների փոխարժեքները՝ հուլիսի 29-ի դրությամբ