Ոչնչացվել է «Nestle» ընկերության «NAN» ապրանքանիշի մանկական սննդի վտանգավոր ճանաչված խմբաքանակը
Հայաստանում ոչնչացվել է «Nestlé»-ի «NAN» մանկական սննդի շուրջ 9700 կգ խմբաքանակ՝ հնարավոր տոքսինի առկայության ռիսկի պատճառով, ըստ լաբորատոր փորձաքննության արդյունքների։
Սննդամթերքի անվտանգության տեսչական մարմնի տեսուչների հսկողությամբ ոչնչացվել է «Nestle» ընկերության «NAN» ապրանքանիշի մանկական սննդի Հայաստան ներկրված որոշ խմբաքանակ, այս մասին հայտնում է ՀՀ սննդամթերքի անվտանգության տեսչական մարմինը։
Ոչնչացման պատճառը, ըստ Ռուսաստանի Դաշնությունից ստացված լաբորատոր փորձաքննության արդյունքների, մանկական սննդի չոր, արագ լուծվող կաթնային և կաթնաթթվային խառնուրդներում վտանգավոր հնարավոր տոքսինի առկայության ռիսկն է։
Վերահսկողության արդյունքում որոշում է կայացվել սահմանված կարգով ոչնչացնել մոտ 9700 կգ ընդհանուր քաշով խմբաքանակը՝ ապահովելով բոլոր անհրաժեշտ անվտանգության կանոնները։
Սննդամթերքի անվտանգության տեսչական մարմինը ընդգծում է, որ առաջնային է համարում հանրային առողջության պաշտպանությունը և շարունակում է վերահսկողական միջոցառումները ինչպես ներմուծվող, այնպես էլ տեղական արտադրության պարենային շուկայում՝ ապահովելու սպառողների համար անվտանգ սննդամթերք։
Կարդացեք նաև
Հասարակություն28 օգոստոսի 2026
956 հզր եվրոյի մաքսանենգություն կատարելու վերաբերյալ քրեական վարույթի նախաքննությունն ավարտվել է
Քրեական վարույթը մեղադրական եզրակացությամբ ուղարկվել է հսկող դատախազին՝ այն հաստատելու և քննության առնելու համար դատարան ուղարկելու միջնորդությամբ:
Հասարակություն27 օգոստոսի 2026
115 խնամատար ընտանիքում խնամվում է 271 երեխա․ պետությունը շարունակում է աջակցության ծրագրերը
Խնամատար ծնող հաշվառվելու համար քաղաքացիները պետք է դիմեն իրենց բնակության վայրի մարզպետարան, իսկ մայրաքաղաքում՝ Երևանի քաղաքապետարան։
Հասարակություն27 օգոստոսի 2026
Հրդեհ «Ջրվեժ» անտառպարկում․ փրկարարներին հաջողվել է արագ մեկուսացնել ու մարել կրակը
Հրշեջ-փրկարարների մասնագիտական ու արագ գործողությունների շնորհիվ հրդեհը մեկուսացվել է ժամը 14։12-ին, իսկ վերջնականապես մարվել՝ 14։35-ին: