Ուկրաինան հրաժարվել է մայիսի 9-ին Ռուսաստանի հետ հրադադարից

Ուկրաինայի զինված ուժերը չեն պահպանելու մայիսի 9-ի հրադադարը, այս մասին հայտնում է lenta.ru -ուն, նշելով որ այդ մասին Telegram-ում հայտարարել է Ուկրաինայի պաշտպանության նախարարի խորհրդական Սերգեյ Ստեռնենկոն։

«Ռուսները խախտել են լռության ռեժիմը և մի շարք հարձակումներ իրականացրել Ուկրաինայի վրա։ Այս գործողությունները չեղարկում են Վլադիմիր Պուտինի կողմից մայիսի 9-ի համար հայտարարված «հրադադարը»», — նշել է ուկրաինացի պաշտոնյան։

Ավելի վաղ Ռուսաստանի նախագահ Վլադիմիր Պուտինը հայտարարել էր մեկ ամսվա ընթացքում երկրորդ հրադադարի մասին հատուկ ռազմական գործողության գոտում՝ այն կապելով Հաղթանակի օրի տոնակատարությունների հետ։

Ի պատասխան՝ Ուկրաինայի նախագահ Վլադիմիր Զելենսկին սպառնացել է հարված հասցնել Մոսկվայում մայիսի 9-ի շքերթին։

ՌԴ Դաշնային խորհրդի միջազգային հարցերով հանձնաժողովի նախագահի առաջին տեղակալ Վլադիմիր Ջաբարովը «Լենտա.ռու»-ին հայտնել է, որ եթե ուկրաինական զինված ուժերը խախտեն մայիսի 9-ի հրադադարը, անմիջապես կհետևի հարված Կիևի կենտրոնին։

Կիսվել

Կարդացեք նաև

Նախարար Դավիթ Խուդաթյանը կմնասնակցի միջազգային ծովային ֆորումին

Ադրբեջանի տարածքով Ռուսաստանից Հայաստան է ուղարկվում հացահատիկի հերթական խմբաքանակը

«Սվետոսլավա» բեռնատար նավը, որի վրա եղել են Ադրբեջանի քաղաքացիներ, խորտակվել է Սև ծովում