Ուկրաինայում՝ Կիրովոգրադի մերձակայքում գտնվող քաղաքային խորհրդում, հրաձգություն է տեղի ունեցել

Ուկրաինայի Կիրովոգրադի մարզի Սվետլովոդսկ քաղաքի խորհրդի շենքում հրաձգություն է տեղի ունեցել։ Ուկրաինական ոստիկանության տվյալներով՝ միջադեպը տեղի է ունեցել հաստատության աշխատակիցների միջև ծագած հակամարտության ժամանակ, հայտնում է life.ru-ն։

Դեպքի վայրից կադրերը հրապարակել է փոխքաղաքապետ Սերգեյ Սավիչը։

Նախնական տվյալներով՝ հենց նա կարող էր կրակ բացել։

Քաղաքային խորհրդի քարտուղար Բակումենկոն հայտնել է, որ երկու մարդ վիրավորվել է։ Դեպքից հետո աշխատակիցներին տարհանել են շենքից։ Տեղում աշխատում են իրավապահները։