Ուրսուլա ֆոն դեր Լայեն. Ադրբեջանն ապացուցել է, որ հուսալի գործընկեր է ԵՄ-ի համար

Ադրբեջանն ապացուցել է, որ հանդիսանում է հուսալի գործընկեր Եվրոպական միության համար։

Ինչպես հայտնում են ադրբեջանական ԶԼՄ–ները, այս մասին հայտարարել է Եվրոպական հանձնաժողովի նախագահ Ուրսուլա ֆոն դեր Լայենը՝ Ադրբեջանի նախագահ Իլհամ Ալիևի հետ մամուլի համար արված համատեղ հայտարարության ընթացքում։

Միջազգային իրավապաշտպան կազմակերպությունների տվյալներով՝ Ադրբեջանում շուրջ 328 քաղբանտարկյալ կա։ Այս համատեքստում առնվազն տարօրինակ է հնչում ԵՄ բարձրաստիճան պաշտոնյայի հայտարարությունը մի երկրում, որտեղ քաղաքական դրդապատճառներով այդքան անձ է անազատության մեջ գտնվում, և որտեղ եվրոպական արժեքների՝ խոսքի ու մամուլի ազատության մասին խոսելն իսկ գրեթե անհնար է։

Նշենք նաև, որ ֆոն դեր Լայենը հայտարարել է, թե ԵՄ-ն աջակցում է Ադրբեջանի և Հայաստանի միջև խաղաղության գործընթացին։ ԵՄ պաշտոնյայի խոսքով՝ պատրաստ են խթանել խաղաղությունը ոչ թե թղթի վրա, այլ իրական կյանքում։ Նրա խոսքով՝ կողմերը պետք է աշխատեն այդ ուղղությամբ այսօր և ամեն օր։