Փամբակ գետում դի է հայտնաբերվել

Փամբակ գետում դի է հայտնաբերվել: Այս տեղեկությունը լրատվամիջոցների հետ զրույցում հաստատել է ՆԳՆ խոսնակ Նարեկ Սարգսյանը: Փրկարարներն այս պահին աշխատանքներ են իրականացնում մարմինը գետից դուրս բերելու ուղղությամբ: Դեպքի վերաբերյալ կտրվի լրացուցիչ տեղեկատվություն:

Հիշեցնենք, որ օրեր առաջ Փամբակ գետում ՆԳՆ փրկարար ծառայության ջրասուզակները հայտնաբերել էին հունիսի 15-ից որոնվող 13-ամյա Մարինե Մարտիրոսյանի մարմինը։

Դրանից առաջ՝ հունիսի 17-ին, ենթադրյալ դեպքի վայրից մոտ 500 մետր հեռավորության վրա, գետից դուրս էր բերվել նաև նրա քրոջ՝ 6-ամյա Նարե Մարտիրոսյանի մարմինը։ Երեխաների կորստյան և խեղդվելու վերաբերյալ Լոռու մարզային օպերատիվ կառավարման կենտրոնն ահազանգեր էր ստացել հունիսի 15-ին, ինչից հետո մեկնարկել էին լայնամասշտաբ որոնողական աշխատանքները: