Փարիզում ավարտվել է G7-ի շրջակա միջավայրի նախարարների հանդիպումը

«Փարիզում ավարտվել է G7-ի շրջակա միջավայրի նախարարների հանդիպումը, որին ներկա է եղել նաև ՀՀ ՇՄ նախարար Համբարձում Մաթևոյանը:  Այս մասին տեղեկանում ենք ՀՀ ՇՄ նախարարությունից:

Հայաստանի մասնակցությունն այս հարթակում հնարավորություն է տվել  ներկայացնելու Հայաստանի առաջնահերթությունները և նպաստելու դրանց շուրջ միջազգային քննարկումների ձևավորմանը։

«Մեր երկրի մասնակցությունն առանձնահատուկ նշանակություն ուներ նաև այն առումով, որ Հայաստանը հանդիսանում է ՄԱԿ Կենսաբազմազանության մասին կոնվենցիայի Կողմերի համաժողովի՝ COP17-ի առաջիկա հյուրընկալող երկիր։ Այս հանգամանքը մեր առջև դնում է բարձր պատասխանատվություն՝ ակտիվորեն ներգրավվելու միջազգային գործընթացներում, ամրապնդելու գործընկերային կապերը և ձևավորելու համախմբված մոտեցումներ՝ ուղղված կենսաբազմազանության պահպանությանը և կլիմայական մարտահրավերների հաղթահարմանը»,- ասել է Յամբարձում Մաթևոսըանը:

Հանդիպումների ընթացքում նախարարը հայտնել է Հայաստանի պատրաստակամությունը՝ հանդես գալու որպես նախաձեռնող և վստահելի գործընկեր: Ներկայացվել է  նաև մեր առաջնահերթությունները՝ Կունմին-Մոնրեալի գլոբալ կենսաբազմազանության շրջանակի արդյունավետ իրականացման ապահովման և բազմակողմ գործընթացների միջև փոխգործակցության ուժեղացման համատեքստում։

Նախարար Մաթևոսյանը համոզմունք է հայտնել, որ հանդիպման շրջանակում ձևավորված համագործակցությունները և ձեռք բերված պայմանավորվածությունները էական ներդրում կունենան ինչպես COP17-ի հաջող կազմակերպման, այնպես էլ դրա արդյունքների երկարաժամկետ ազդեցության ապահովման գործում: