Փորձագետը ներկայացնում է՝ ինչ ռիսկեր է պարունակում հեռախոսների IMEI վերահսկողությունը

Տեղեկատվական անվտանգության փորձագետ Սամվել Մարտիրոսյանը ներկայացրել է՝ ինչ վտանգներ ունի հեռախոսների IMEI–ն գրանցելու՝ կառավարության որոշումը։ Փոփոխություններով հնարավորություն կտրվի վերահսկել բջջային հեռախոսների IMEI կոդերը, քանի որ գործող կարգավորումներով նման վերահսկողություն չկա։

Կառավարության հիմնավորումն այն է, որ Հայաստան կարող են ներմուծվել չմաքսազերծված կամ կեղծ, ինչպես նաև փոփոխված IMEI կոդերով հեռախոսներ, ինչը վնասում է պետությանը՝ առաջացնելով հարկային կորուստներ, խաթարելով արդար մրցակցությունը և մեծացնելով տեխնիկական ու անվտանգության ռիսկերը։