Պաշտոնական այցով Հայաստան կժամանի Վրաստանի ներքին գործերի նախարարը

Վրացական ԶԼՄ-ների փոխանցմամբ՝ ՀՀ ներքին գործերի նախարար Արփինե Սարգսյանի հրավերով պաշտոնական այցով Հայաստան կժամանի Վրաստանի ներքին գործերի նախարար Սուլխան Թամազաշվիլին։ 

Սա նրա առաջին պաշտոնական այցն է Հայաստան։ Պաշտոնական այցի շրջանակներում վրացի նախարարը կհանդիպի Հայաստանի Հանրապետության ներքին գործերի նախարար Արփինե Սարգսյանի հետ և պատվիրակության հետ միասին կայցելի Հայաստանի ոստիկանության ստորաբաժանումներ, կծանոթանա նրանց գործունեությանը։

Այցի շրջանակներում Վրաստանի ներքին գործերի նախարարը  կհանդիպի նաև ՀՀ վարչապետ Նիկոլ Փաշինյանի,  Ազգային անվտանգության ծառայության տնօրեն Անդրանիկ Սիմոնյանի հետ։