ՊՆ-ն զգուշացնում է․ մինչև մայիսի 28-ը ռազմական տեխնիկայի նկարահանումն արգելվում է

ՀՀ ՊՆ-ն հայտարարել է, որ մինչև մայիսի 28-ի զորահանդեսը Երևանում ռազմական տեխնիկայի լուսանկարահանումն ու տեսանկարահանումը, ինչպես նաև ԱԹՍ-ներով նկարահանումը խստիվ արգելվում են։ Խախտումների դեպքում նախատեսվում է պատասխանատվություն։

Մինչև մայիսի 28-ին անցկացվելիք զորահանդեսը մայրաքաղաք Երևանում ՀՀ ԶՈՒ ռազմական տեխնիկայի տեղաշարժի լուսանկարահանումը և տեսանկարահանումը փողոցներում խստիվ արգելվում են, այս մասին հայտնում է ՀՀ ՊՆ մամլո ծառայությունը։

Նկարահանման հնարավորություն կտրամադրվի մայիսի 28-ին՝ սահմանված կարգով։

Խստիվ արգելվում է նաև ԱԹՍ-ների կիրառմամբ նկարահանումը։ Խախտումները կհանգեցնեն պատասխանատվության։