Ռոսսելխոզնադզորը սահմանափակում է Հայաստանից բոլոր կարանտինային ապրանքների ներմուծումը
«Հայաստանի բույսերի պաշտպանության և կարանտինային ծառայության անարդյունավետությունը սպառնում է Ռուսաստանի և ԵԱՏՄ բուսասանիտարական բարեկեցությանը»:
Ռոսսելխոզնադզորը տեղեկացնում է, որ 2026 թվականի հունիսի 12-ից սկսած՝Ռոսսելխոզնադզորը սահմանափակում է Հայաստանից բոլոր կարանտինային ապրանքների ներմուծումը ՌԴ և դրանց տարանցումը Ռուսաստանի տարածքով դեպի ԵԱՏՄ այլ երկրներ։
Որոշումը կայացվել է կարանտինային օրգանիզմների համակարգված հայտնաբերման պատճառով։ Այս տարվա մայիսից սկսած՝ ծառայությունը աստիճանաբար սահմանափակել է հայկական կարանտինային որոշակի տեսակի ապրանքների ներմուծումը և բազմիցս տեղեկատվություն է ուղարկել հայկական կողմին մատակարարման խափանումների մասին։
Այնուամենայնիվ, կարանտինային օրգանիզմների հայտնաբերումները շարունակվում են։ Հունիսին Հայաստանից ներմուծված ընկույզների, չորացրած դեղձի և չորացրած լոլիկի մեջ հայտնաբերվել է պախրա բզեզի վարակի երեք դեպք։
«Սա վկայում է Հայաստանում լիազորված մարմնի կողմից անբավարար վերահսկողության մասին և կասկածներ է առաջացնում բուսասանիտարական հավաստագրման համակարգի վերաբերյալ։ Հայաստանի բույսերի պաշտպանության և կարանտինային ծառայության անարդյունավետությունը սպառնում է Ռուսաստանի և ԵԱՏՄ բուսասանիտարական բարեկեցությանը»,- ասվում է Ռոսսելխոզնադզորի տարածած հայտարարության մեջ ։
Կարդացեք նաև
Բիզնես13 հունիսի 2026
ՀՀ Էկոնոմիկայի նախարարի տեղակալն այցելել է խեցգետնաբուծարան
Ընկերությունն օգտվել է Էկոնոմիկայի նախարարության կողմից իրականացվող «Հայաստանի Հանրապետությունում արդյունաբերական խեցգետնաբուծության զարգացման 2024-2029 թվականների» ծրագրից։
Բիզնես12 հունիսի 2026
Առաջարկվել է ԵՄ երկրների ֆերմերներին 540 միլիոն եվրո հատկացնել՝ պարարտանյութերի գների աճի պատճառով
Ֆինանսավորման պատճառը պարարտանյութերի գների աճն է։
11 հունիսի 2026
Կառավարությունն աջակցում է հանրապետության բոլոր մարզերում կաթի արտադրությամբ զբաղվող տնտեսավարողներին
Սուբսիդավորումը տրամադրվում է շահառուի կողմից տնօրինվող միայն 3-րդ գլխից սկսած մինչև 22 գլուխը ներառյալ կովերի համար (առավելագույնը 20 գլուխ) ՝ մեկ կովի հաշվով 15000 դրամի չափով։