Ռուսական ընկերությունների գործուղումների պահանջարկն ամենաշատն աճել է դեպի Հայաստան

Ընկերության տվյալներով՝ զգալի աճ է գրանցվել նաև դեպի Չինաստան, Վրաստան և Ղրղզստան գործուղումների դեպքում՝ 20%-ով, իսկ դեպի Թուրքիա՝ 11%-ով։ Միևնույն ժամանակ, դեպի ԱՄԷ գործուղումները նվազել են 40%-ով, դեպի Հնդկաստան՝ 20%-ով, իսկ դեպի Բելառուս՝ 8%-ով։

Ուսումնասիրության համաձայն՝ 2026 թվականի առաջին կիսամյակում ռուսական ընկերությունների ավիապատվերների 12.2%-ը բաժին է ընկել արտասահմանյան չվերթներին (մեկ տարի առաջ՝ 11.6%)։ Ամենապահանջված երկրների ցանկը գլխավորել է Չինաստանը՝ 19.7% մասնաբաժնով, որին հաջորդում են Թուրքիան (12.2%) և Բելառուսը (11.8%)։

Հաճախ գործուղումներ են իրականացվել նաև դեպի Ուզբեկստան (8.4%), Ղազախստան (7.9%), Ղրղզստան (4.8%), ԱՄԷ (4.5%), Հայաստան (3.7%), Հնդկաստան (3.4%) և Վրաստան (2.8%)։

Ռուսաստանի ներսում գործուղումների ամենապահանջված քաղաքներն են մնացել Մոսկվան (27%) և Սանկտ Պետերբուրգը (11.7%)։ Երրորդ տեղում է Եկատերինբուրգը (4.4%), թեև դեպի այդ քաղաք գործուղումների պահանջարկը մեկ տարվա ընթացքում նվազել է 10%-ով։ Ցանկում ներառված են նաև Նովոսիբիրսկը, Կազանը, Կրասնոդարը, Սամարան, Ուֆան, Կրասնոյարսկը և Սոչին, որտեղ գործուղումների թիվը նվազել է 45%-ով։