Ռուսական մասնակցությունը կարող է դրական ազդել TRIPP–ի իրականացման վրա․ Գալուզին

RTVI-ին տված հարցազրույցում Ռուսաստանի փոխարտգործնախարար Միխայիլ Գալուզինն ասել է, թե «Թրամփի ուղին» դժվար թե արժանանա Իրանի հավանությանը, և կան հիմքեր ենթադրելու, որ այն չի համապատասխանում նաև Չինաստանի շահերին։

Գալուզինը հիշեցրել է նաև, որ Հայաստանի երկաթուղային համակարգը կառավարվում է «Ռուսական երկաթուղիների» դուստր ընկերության՝ «Հարավկովկասյան երկաթուղի» ՓԲԸ-ի կողմից։ ՌԴ փոխարտգործնախարարը նշել է, որ Հայաստանի տարածքով տարանցումը պետք է իրականացվի ԵԱՏՄ նորմերին և կանոններին համապատասխան՝ ընդգծելով, որ Հայաստանը բազմիցս հայտարարել է, թե չի պատրաստվում դուրս գալ միությունից։

Նրա գնահատմամբ՝ TRIPP-ը նախատեսվում է անցկացնել այն տարածքով, որը պահպանվում է ռուս սահմանապահների կողմից, ուստի նախագծի իրականացման ընթացքում անհրաժեշտ կլինի հաշվի առնել ինչպես Ռուսաստանի, այնպես էլ ԵԱՏՄ-ի դիրքորոշումը։