Ռուսական ցորենի հերթական խմբաքանակը Հայաստան կփոխադրվի Ադրբեջանի տարածքով. ադրբեջանական ԶԼՄ

Ռուսական ցորենի հերթական խմբաքանակը Հայաստան կտեղափոխվի Ադրբեջանի տարածքով (տրանզիտով), հայտնում են ադրբեջանական ԶԼՄ-ները։ 

Ըստ լուրերի՝ այսօր Հայաստան կուղարկվի ռուսական ցորենով բեռնված 7 վագոն, որոնց ընդհանուր քաշը կազմում է 490 տոննա։

Ադրբեջանական աղբյուրները նաև մանրամասնում են, որ մինչ օրս Ռուսաստանից Հայաստան՝ Ադրբեջանի տարածքով տարանցիկ եղանակով փոխադրվել է ավելի քան 29 հազար տոննա հացահատիկ, ավելի քան 7 հազար տոննա պարարտանյութ, 414 տոննա անտրացիտ (ածուխ), 133 տոննա ալյումին և 68 տոննա հնդկացորեն։