Ռուսաստանը Հնդկաստանից բենզինի ծովային ներմուծում է սկսել. Reuters

Ռուսաստանը սկսել է Հնդկաստանից բենզինի ծովային ներմուծումը։ Այս մասին չորեքշաբթի օրը հայտնել են ոլորտի երկու աղբյուրներ, փոխանցում է Reuters գործակալությունը։ Այս քայլն ուղղված է վառելիքի պակասի մեղմմանը, որն առաջացել է Ռուսաստանի էներգետիկ ենթակառուցվածքների վրա ուկրաինական հարձակումների հետևանքով։

Վառելիքի դեֆիցիտը զգացվում է Ռուսաստանի բոլոր 11 ժամային գոտիներում. երկրում կիրառվում է սահմանափակում (նորմավորում), լցակայաններում առաջացել են երկար հերթեր, ինչպես նաև գրանցվել է բենզինի գնի ռեկորդային աճ։

Ըստ աղբյուրի՝ Ռուսաստանը մտադիր է 2026 թվականի հուլիսին և օգոստոսին Ղազախստանից ձեռք բերել 50 000 տոննա բենզին։ Նման քայլի պատճառն այն է, որ երկրում վառելիքի արտադրության ծավալները նախորդ տարվա համեմատ նվազել են մոտ մեկ քառորդով։

Հունիսի 30–ին Կրեմլից հայտնել էին, որ Ռուսաստանը կապի մեջ է այլ երկրների հետ և քննարկում է ընդունելի գներով վառելիքի ներմուծման հարցը։