Ռուսաստանի և Հայաստանի միջև առևտրաշրջանառության նվազման միտումը կշարունակվի. Օվերչուկ

 Ռուսաստանի և Հայաստանի միջև առևտրաշրջանառությունը 2026 թվականին նախորդ տարվա համեմատ կտրուկ նվազել է, և այդ միտումը շարունակվելու միտում ունի: Այս մասին հայտարարել է ՌԴ փոխվարչապետ Ալեքսեյ Օվերչուկը։

Ռուս պաշտոնյայի տվյալներով՝ 2024 թվականին երկկողմ առևտրաշրջանառությունը հասել էր ռեկորդային ցուցանիշի՝ մոտ 12 միլիարդ դոլարի, սակայն արդեն 2025-ին այն նվազել էր՝ կազմելով շուրջ 8 միլիարդ դոլար: Ընթացիկ տարում, ըստ Օվերչուկի, ապրանքաշրջանառությունը կրճատվել է մոտ երկու երրորդով:

«Այն իրավիճակը, որ զարգանում է ԵԱՏՄ-ի և Հայաստանի միջև հարաբերություններում, կանխատեսելի էր։ Վերջին երեք-չորս տարվա ընթացքում մենք մեր հայ գործընկերներին ասում էինք, որ նման ռիսկեր կան, մասնավորապես՝ առևտրաշրջանառության նվազման ռիսկը», - ընդգծել է ՌԴ փոխվարչապետը: