Ռուսաստանի կողից Կիևի վրա գիշերային հարվածների հետևանքով վնասվել է Ադրբեջանի դեսպանատան շենքը

Ռուսական ուժերի կողմից Ուկրաինայի մայրաքաղաք Կիևի վրա իրականացված գիշերային հարձակման հետևանքով վնասվել է Ադրբեջանի դեսպանատան շենքը, այս մասին հայտնում են ադրբեջանական լրատվամիջոցները:

Կիև քաղաքի Շևչենկոյի շրջանում, որտեղ գտնվում է ադրբեջանական դիվանագիտական ներկայացուցչությունը` արձակված հրթիռներից մի քանիսը ընկել են դեսպանատան շենքի մոտակայքում, իսկ պայթյունի ալիքից կոտրվել են պատուհանները։

Նշվում է, որ Ուկրաինայում Ադրբեջանի դեսպանատան շենքը ռուսական ավիահարվածների հետևանքով վնասվել է արդեն մի քանի անգամ։ Վերջին նմանատիպ դեպքը տեղի էր ունեցել 2025 թվականի նոյեմբերի 14-ի գիշերը։

Դրանից հետո Բաքվում ՌԴ դեսպան Միխայիլ Եվդոկիմովը հրավիրվել էր Ադրբեջանի ԱԳՆ, որտեղ նրան հանձնվել էր բողոքի նոտա։