Ռուսաստանի մարդու իրավունքների հանձնակատար Տատյանա Մոսկալկովան հայտարարել է, որ գերությունից վերադարձվել է ավելի քան 3700 ռուս զինծառայող։

 Ռուսաստանի մարդու իրավունքների հանձնակատար Տատյանա Մոսկալկովան ՌԴ նախագահին հայտնել է, որ այսօրվա դրությամբ Ռուսաստանը գերությունից վերադարձրել է 3700 զինծառայողի, այս մասին հայտնում է ռուսական  «Իզվեստիա»–ն։

Օմբուդսմենի խոսքով՝ ամենամեծ ուրախությունը Կուրսկի մարզից 165 մարդու վերադարձն էր։ Փոխանակման շուրջ բանակցությունները սկզբում սկսվել էին մեծ խմբերով, սակայն հետո նրանց թիվը կրճատվել էր, և բանակցությունների յուրաքանչյուր փուլ անցել էր շատ բարդ։

Մոսկալկովան նաև նշել է նախագահի օգնական Վլադիմիր Մեդինսկու աշխատանքը, ով աջակցել է քաղաքացիական անձանց վերադարձին և փոխանակման գործընթացների կազմակերպմանը։

 Մոսկալկովան մարդու իրավունքների հանձնակատարի պաշտոնը զբաղեցնում է 2016 թվականից։ Նրա լիազորություններն ավարտվում են այս տարի, և օրենքով դրանք երկարաձգել հնարավոր չէ։ Վլադիմիր Պուտինի հետ հանդիպման ընթացքում նա զեկուցել է, որ տասը տարվա ընթացքում օմբուդսմենի աշխատակազմը օգնել է ավելի քան 2 միլիոն Ռուսաստանի քաղաքացիների։