Սեդրակ Քոչարյանը կմնա կալանքի տակ․ դատարանը երկարաձգեց կալանքի ժամկետը

Հակակոռուպցիոն դատարանը երկու ամսով երկարաձգել է ՀՀ երկրորդ նախագահ Ռոբերտ Քոչարյանի որդու՝ Սեդրակ Քոչարյանի կալանքի ժամկետը։

Փաստաբան Հակոբ Կյուրեղյանի փոխանցմամբ՝ դատարանը բավարարել է կալանքի ժամկետը երկարաձգելու միջնորդությունը։

Պաշտպանական կողմը մտադիր է դատարանի որոշումը բողոքարկել Վերաքննիչ դատարանում։

Սեդրակ Քոչարյանին մեղադրանք է առաջադրվել փողերի լվացման, ինչպես նաև պաշտոնեական լիազորությունների չարաշահմանն ու առանձնապես խոշոր չափերով կաշառք ստանալուն օժանդակելու համար։

Քոչարյանը մեղադրանքը չի ընդունում։ Պաշտպանական կողմը գործը քաղաքական հետապնդում է համարում։