Սերգեյ Լավրովը հեռախոսազրույց է ունեցել Աբբաս Արաղչու հետ
ՌԴ և Իրանի ԱԳ նախարարները հեռախոսազրույցում քննարկել են հրադադարի խախտումները և Հորմուզի նեղուցի իրավիճակը՝ ընդգծելով լարվածության թուլացման և դիվանագիտական լուծումների կարևորությունը։
Ապրիլի 20-ին Ռուսաստանի Դաշնության արտաքին գործերի նախարար Սերգեյ Լավրովը հեռախոսազրույց է ունեցել Իրանի Իսլամական Հանրապետության արտաքին գործերի նախարար Աբբաս Արաղչիի հետ, հայտնում է Ռուսաստանի արտգործնախարարությունը
Արաղչին Լավրովին տեղեկացրել է Իրանի դիրքորոշման մասին՝ կապված Միացյալ Նահանգների կողմից հրադադարի ռեժիմի խախտումների հետ, ներառյալ Հորմուզի նեղուցի ապօրինի ծովային շրջափակումը և իրանական կոնտեյներային նավի առգրավումը։
Ռուսական կողմը կրկին ընդգծել է հրադադարի պահպանման անհրաժեշտությունը, որը պետք է իրականացվի նախապես համաձայնեցված և պակիստանցի միջնորդների կողմից հայտարարված պայմանների շրջանակում։ Նշվել է նաև դիվանագիտական ջանքերի շարունակման կարևորությունը՝ իրավիճակի անկառավարելի սրման կանխման և զինված հակամարտության վերսկսումը թույլ չտալու նպատակով։
Հաստատվել է Ռուսաստանի պատրաստակամությունն՝ աջակցելու Իրանի և Պարսից ծոցի արաբական երկրների միջև փոխընդունելի պայմանավորվածությունների ձեռքբերումը։
Իրանական կողմը, իր հերթին, հաստատել է իր պատրաստակամությունը՝ ապահովելու համար ռուսական նավերի և բեռների անխափան անցումը նշված ջրային ուղով։
Կարդացեք նաև
Տարածաշրջան13 հուլիսի 2026
Ալիևը Ռուսաստանին անվանել է օկուպանտ
Ալիևը՝ որպես օրինակ է բերել սեփական երկրի փորձը՝ պնդելով, թե ժամանակին իրենց նույնպես «ստիպում էին հրաժարվել Ղարաբաղից»։
Տարածաշրջան10 հուլիսի 2026
Քարվաճառի (Քելբաջարի) շրջանում ականի պայթյունի երկու դեպք է գրանցվել
Նշվում է, որ տվյալ տարածքում նախկինում ևս գրանցվել են ականի պայթյունի դեպքեր
Տարածաշրջան10 հուլիսի 2026
Զաքիր Հասանովը հանդիպել է Baykar–ի ղեկավարի հետ
Սելչուկ Բայրաքթարն, իր հերթին, հայտարարել է, որ բարձր մակարդակի փոխադարձ այցերը դրական են անդրադառնում ադրբեջանա-թուրքական ռազմական և ռազմատեխնիկական գործընկերության ամրապնդման վրա