Սև ծովում ԱԹՍ-ն հարվածել է թուրքական բեռնատար նավին․ կա զոհ և վիրավորներ

Սև ծովի ակվատորիայում անօդաչու թռչող սարքը հարվածել է թուրքական «Mv Reyhan Sarı» բեռնատար նավին, ինչի հետևանքով կան զոհեր և վիրավորներ։

Թուրքական «Sabah» պարբերականի փոխանցմամբ՝ ռուսական «Տաման» նավահանգստից դեպի Թուրքիայի Տրապիզոն քաղաք ածուխ տեղափոխող նավի վրա ԱԹՍ-ի հարձակման հետևանքով անձնակազմի մեկ անդամ զոհվել է, ևս երեքը ստացել են տարբեր աստիճանի մարմնական վնասվածքներ։

«Թուրքական նավին անօդաչուի հասցրած հարվածի հետևանքով անձնակազմի մեկ անդամ զրկվել է կյանքից, իսկ երեք այլ նավաստիներ վիրավորվել են», — նշված է թերթի հրապարակման մեջ։