«Սևանի շուրջը» սիրողական հեծանվային արշավ. հայտերի ընդունման ժամկետը երկարաձգվել է

ՀՀ վարչապետի հովանու ներքո անցկացվելիք «Սևանի շուրջը» սիրողական հեծանվային արշավի մասնակցության հայտերի ընդունման ժամկետը երկարաձգվել է մինչև օգոստոսի 6-ը: Այս մասին տեղեկացնում է ՀՀ ԿԳՄՍ նախարարությունը:

Միջոցառումը կանցկացվի օգոստոսի 29-30-ը՝ սեպտեմբերին նախատեսված «Tour of Armenia» միջազգային բազմօրյա հեծանվավազքի մրցաշարին ընդառաջ:

Հեծանվարշավին մասնակցելու համար անհրաժեշտ է համապատասխանել հետևյալ պահանջներին․

• Ֆիզիկական պատրաստվածություն․ Առնվազն 25 կմ ճանապարհ առանց դադարի հեծանիվ վարելու կարողություն։

• Բժշկական թույլտվություն․ Բժշկի տեղեկանք առողջական վիճակի վերաբերյալ, որը չի պարունակում հեծանվարշավին մասնակցելու հակացուցումներ։

• Մարզումներ․ Պատրաստակամություն՝ օգոստոս ամսին մասնակցելու նախապատրաստական հավաքներին։

• Տեխնիկական պահանջ․ Մասնակիցները ներկայանում են սեփական մեխանիկական հեծանիվներով (էլեկտրական հեծանիվներ չեն թույլատրվում)։

Մասնակցության հայտ ուղարկելու համար անհրաժեշտ է hetsanvayinarshav2026@gov.am էլեկտրոնային հասցեին ուղարկել հետևյալ տվյալներն ու փաստաթղթերը․

1.  Անուն, հայր անուն, ազգանուն, հասցե (մարզ, համայնք, բնակավայր) և հեռախոսահամար։

2.  Անձնագրի/նույնականացման քարտի և բժշկական տեղեկանքի պատճենները։

 Արշավի ավարտին բոլոր մասնակիցները կստանան հավաստագրեր։ Միջոցառումը կրում է սիրողական-մասսայական բնույթ, դրամական կամ նյութական մրցանակային հիմնադրամ նախատեսված չէ։