Շուշին և Տրապիզոնը կդառնան քույր քաղաքներ

Թուրքիայի Տրապիզոն քաղաքը և Ադրբեջանի  տիրապետության տակ գտնվող Շուշին պաշտոնապես կդառնան քույր քաղաքներ, ըստ ադրբեջանական լրատվամիջոցների այս մասին հայտարարել է Տրապիզոնի քաղաքապետ Ահմեթ Մեթին Գենչը։

Նրա խոսքով՝ երկու քաղաքների միջև կստորագրվի համապատասխան արձանագրություն՝ համագործակցությունը պաշտոնապես ամրագրելու համար։

Բաքվում անցկացվող Քաղաքային համաշխարհային 13-րդ ֆորումի (WUF13) ընթացքում ելույթ ունենալով՝ Գենչը նշել է, որ բնակարանային իրավունքն ու կլիմայական ճգնաժամը չեն կարող դիտարկվել առանձին։

Քաղաքապետը, Տրապիզոնի օրինակը բերելով, ուշադրություն է հրավիրել բնակարանաշինության ազդեցության վրա՝ էներգիայի սպառման և ածխածնի արտանետումների տեսանկյունից՝ ընդգծելով ցածր ածխածնային, աղետակայուն և սոցիալական արդարության վրա հիմնված քաղաքային քաղաքականության կարևորությունը։