Սխալ նույնականացում է եղել․ Պռոշյանի կոնյակի գործարանը՝ լիցենզիայի կասեցման մասին
Ալկոհոլի և ծխախոտի շուկաների վերահսկողության դաշնային ծառայությունից ավելի վաղ հայտնել էին, որ լիցենզիայի չեղյալ համարելու հարցը ներկայումս քննվում է Արբիտրաժային դատարանում։
«Սխալ նույնականացում է եղել»․ Պռոշյանի կոնյակի գործարանից CivilNet-ին հայտնեցին, որ Ռուսաստանի Ալկոհոլի և ծխախոտի շուկաների վերահսկողության դաշնային ծառայության կողմից լիցենզիան չեղարկելու գործընթացը վերաբերում է Ռուսաստանում գործող առանձին դիստրիբյուտոր ընկերությանը և որևէ առնչություն չունի հայաստանյան արտադրողի հետ։
«Հատուկ ուշադրություն ենք հրավիրում այն հանգամանքի վրա, որ մի շարք հրապարակումներում թույլ է տրվել սխալ նույնականացում՝ հայկական արտադրող գործարանը շփոթելով Ռուսաստանի Դաշնությունում գործող առանձին դիստրիբյուտոր ընկերության հետ, որը հանդիսանում է տվյալ շուկայում գործող ներմուծող ընկերություններից մեկը։
Նշված հրապարակումները վերաբերում են բացառապես այդ ներմուծող ընկերության գործունեությանը և որևէ առնչություն չունեն Հայաստանի Հանրապետությունում իրականացվող արտադրական գործընթացների հետ»,- հայտնեցին Պռոշյանի կոնյակի գործարան-ից։
Ընկերությունից նշեցին, որ գործարանը գործում է բնականոն ռեժիմով, անխափան իրականացնում է արտադրությունը և շարունակաբար արտահանում է իր արտադրանքը միջազգային շուկաներ այդ թվում ԵԱՏՄ երկրներ։
Ալկոհոլի և ծխախոտի շուկաների վերահսկողության դաշնային ծառայությունից ավելի վաղ հայտնել էին, որ լիցենզիայի չեղյալ համարելու հարցը ներկայումս քննվում է Արբիտրաժային դատարանում։
Անդրադառնալով այս հարցին ՊԵԿ նախագահ Էդուարդ Հակոբյանն ապրիլի 8-ին լրագրողներին հայտնել էր, որ Պետական եկամուտների կոմիտեն Հայաստանից Ռուսաստան արտահանում իրականացնող տնտեսվարողներից բողոքներ չի ստացել։
Կարդացեք նաև
Էկոնոմիկա8 ապրիլի 2026
Ռուսաստանը «Պռոշյանի կոնյակի գործարանին» զրկում է ներմուծման լիցենզիայից
Ալկոհոլի և ծխախոտի շուկաների վերահսկման դաշնային ծառայությունը ստուգումից հետո կասեցրել է գործարանի լիցենզիան՝ լուրջ խախտումներ հայտնաբերելու պատճառով։
Էկոնոմիկա7 ապրիլի 2026
2026 թ. ապրիլի 15-ից 2-րդ սերնդի թղթադրամները բնականոն մաշվածության արդյունքում դուրս կգան շրջանառությունից
ՀՀ երկրորդ սերնդի բոլոր թղթադրամները կփոխանակվեն ՀՀ տարածքում գործող առևտրային բանկերում և Կենտրոնական բանկում՝ առանց սահմանափակումների, անվճար և անժամկետ
Էկոնոմիկա4 ապրիլի 2026
Ադրբեջանը Հայաստանից փայլաթիթեղ ներկրելու հայտ է ներկայացրել և գին է խնդրել. Պապոյան
Ադրբեջանական ծագման 1-2 արտադրանք է եկել Հայաստան՝ բենզին և դիզվառելիք, իսկ Ադրբեջանի տարածքով գրեթե ամեն օր մի բան գալիս է։