Ստամբուլի Սուրբ Սոֆիայի մզկիթում Աստվածաշունչ կարդալու համար ռուսաստանցի ամուսինների են բերման ենթարկել

Ռուս զբոսաշրջիկներին ձերբակալել են Ստամբուլի Սուրբ Սոֆիայի մզկիթում Աստվածաշունչ կարդալու համար։

32-ամյա Իգորը և 35-ամյա Վիկտորյան պատմել են, որ իրենց անմիջապես դուրս են բերել մզկիթից և տեղափոխել ոստիկանական բաժանմունք։ Ամուսինները կասկածվում են «բնակչության շրջանում ատելություն կամ թշնամանք հրահրելու մեջ»։

Ռուսական լրատվամիջոցները նշում են, որ զույգին թույլ չեն տվել վերադառնալ հյուրանոց։ Նրանց տեղափոխել են արտասահմանցիների պահման կենտրոն՝ հետագա արտաքսման համար։ «Կնոջս ու ինձ բաժանել են։ Երկար ժամանակ է՝ ոչինչ չենք կերել և մեզ շատ վատ ենք զգում»,-պատմել է Իգորը։

Ստամբուլում ՌԴ գլխավոր հյուպատոսությունն ու ԱԳՆ-ն զբաղվում են այս հարցով և կապի մեջ են զբոսաշրջիկների փաստաբանի հետ, իսկ ՌԴ Պետդումայում կարծիք են հայտնել, որ ամուսինները «որևէ հանցանք չեն գործել»։