Ստամբուլում այս տարի ևս չեն թույլատրել անցկացնել Հայոց ցեղասպանության զոհերի հիշատակի միջոցառման անցկացումը

Ստամբուլում այս տարի ևս չեն թույլատրել  Հայոց ցեղասպանության զոհերի հիշատակի միջոցառման անցկացումը։

Այս մասին տեղեկանում ենք «Արմենպրես»֊ից:

Ըստ աղբյուրի՝ «Ապրիլի 24-ի հիշատակի հարթակը» դիմել էր Ստամբուլի նահանգապետարան՝ ապրիլի 24-ին, ժամը 19:00-ին Քադըքյոյում՝ Սյուրեյյա օպերայի շենքի դիմաց, հիշատակի հավաք անցկացնելու թույլտվություն ստանալու համար։ Սակայն նահանգապետարանը մերժել է դիմումը։

Կազմակեչպիչները կոչ են արել վերանայել ընդունված որոշումը։Նրանք նաև ընդգծել են, որ նման հավաքները միտված են հարգանքի տուրք մատուցելու 1915 թվականին զոհվածների հիշատակին, ինչպես նաև նպաստել հասարակական հիշողության և առերեսման գործընթացին։