«Սվետոսլավա» բեռնատար նավը, որի վրա եղել են Ադրբեջանի քաղաքացիներ, խորտակվել է Սև ծովում

Ենթադրվում է, որ «Սվետոսլավա» բեռնատար նավը, որի վրա եղել են Ադրբեջանի քաղաքացիների, խորտակվել է Սև ծովում։

Ադրբեջանական լրատվամիջոցների փոխանցմամբ՝այս մասին հայտարարել է «Աջակցություն Ադրբեջանի ծովայիններին» հասարակական միությունը։

Ըստ կազմակերպության տվյալների՝  նավը գիշերը ուղևորվում էր թուրքական նավահանգստից դեպի Մոլդովայի նավահանգիստ, երբ անհայտ պատճառներով խորտակվել է։

Նավում եղել են Ադրբեջանի 11 քաղաքացի, ինչպես նաև Թուրքիայի և Ռուսաստանի քաղաքացիներ։ Ափամերձ պահպանության ուժերի արագ ժամանման շնորհիվ, նավի վրա գտնվող բոլոր մարդիկ փրկվել են։

Փրկված նավաստիները տեղափոխվել են հիվանդանոց, և նրանց վիճակը գնահատվում է բավարար։

Պարզաբանման հարցում է ուղարկվել համապատասխան մարմիններին։