Թբիլիսիում Հեյդար Ալիևի անվան մշակութային կենտրոն կկառուցեն

Թբիլիսիի պատմական Աբանոթուբանի շրջանում պատրաստվում են Հեյդար Ալիևի անվան մշակութային կենտրոն կառուցել: Վրաստանի կառավարության այս որոշմամբ այդ տարածքին շնորհվել է «հասարակական կարիքների համար անհրաժեշտ» կարգավիճակ, հայտնում են վրացական ԶԼՄ-ները։ Սա նշանակում է, որ տվյալ շրջանում ապրող հինգ ընտանիքներից օտարման միջոցով առգրավվելու են բնակելի և առևտրային տարածքներ ։ 

Էկոնոմիկայի նախարար Մարիամ Կվրիվիշվիլիի ստորագրած հրամանը ակտիվների կառավարման և զարգացման ընկերությանը տալիս է ունեզրկման իրավունք, ինչը թույլ է տալիս պետությանը վերցնել մասնավոր սեփականությունը նախնական փոխհատուցման դիմաց: