Թբիլիսիում քննարկվել է փողոցներից մեկը Շառլ Ազնավուրի անունով կոչելու հարցը

Թբիլիսիում ՀՀ և Ֆրանսիայի դեսպանները հանդիպել են քաղաքային խորհրդի նախագահի հետ՝ քննարկելով երկկողմ համագործակցությունը և Շառլ Ազնավուրի անունով փողոց անվանակոչելու հնարավորությունը։ Քաղաքային իշխանությունները պատրաստակամություն են հայտնել դիտարկել առաջարկը։

Վրաստանում ՀՀ դեսպան Աշոտ Սմբատյանը և Վրաստանում Ֆրանսիայի դեսպան Օլիվյե Կուրտոն հանդիպել են Թբիլիսիի քաղաքային խորհրդի նախագահ Զուրաբ Աբաշիձեի հետ։ Այս մասին հայտնել է դեսպանությունը, հաղորդում է "Առաջին լրատվականը"։

Հանդիպմանը մասնակցել են նաև Թբիլիսիի քաղխորհրդի անդամներ՝ Միխեիլ Ռեխվիաշվիլին և Մամուկա Բալիաշվիլին։

Դեսպաններն ընդգծել են երկու երկրների սերտ կապերի կարևորությունը Վրաստանի հետ՝ նշելով, որ դա անդրադառնում է նաև մայրաքաղաք Թբիլիսիի հետ համագործակցության, ինչպես նաև երեք ժողովուրդների միջև պատմական կապերի ու ավանդական բարեկամության զարգացման վրա։

«Զրուցակիցները հույս հայտնեցին, որ առկա սերտ համագործակցությունը ապագայում է՛լ ավելի կխորանա։

Հանդիպմանը քննարկվեց նաև Թբիլիսիի փողոցներից մեկը աշխարհահռչակ շանսոնյե, հայկական ծագումով, Վրաստանի հետ արմատներով կապված, ֆրանսիացի երգիչ Շառլ Ազնավուրի անվամբ անվանակոչելու հարցը։

Զուրաբ Աբաշիձեն հայտնեց, որ Թբիլիսիի քաղաքային խորհրդի համապատասխան հանձնաժողովը պատրաստ է քննարկել բարձրացված հարցը»,- ասվում է հաղորդագրության մեջ։

Թբիլիսիում քննարկվել է փողոցներից մեկը Շառլ Ազնավուրի անունով կոչելու հարցը

Կիսվել

Կարդացեք նաև

Նախարար Դավիթ Խուդաթյանը կմնասնակցի միջազգային ծովային ֆորումին

Ադրբեջանի տարածքով Ռուսաստանից Հայաստան է ուղարկվում հացահատիկի հերթական խմբաքանակը

«Սվետոսլավա» բեռնատար նավը, որի վրա եղել են Ադրբեջանի քաղաքացիներ, խորտակվել է Սև ծովում