Թուրքիայի ոսկու պաշարները 2 շաբաթում կրճատվել են 118 տոննայով

Թուրքիայի Կենտրոնական բանկի ոսկու պահուստները նախորդ շաբաթ նվազել են ևս 69,1 տոննայով՝ հասնելով 702,5 տոննայի, ինչի արդյունքում վերջին երկու շաբաթվա ընթացքում ընդհանուր անկումը կազմել է ավելի քան 118 տոննա, հայտնում են թուրքական ԶԼՄ-ները:

Ըստ այդմ՝ Թուրքիայի միջազգային ստանդարտին համապատասխանող ոսկու պահուստների շաբաթական ամենամեծ անկումն էր 2013 թվականից ի վեր: Նշվում է, որ նախորդ շաբաթ Կենտրոնական բանկը վաճառել է մոտ 26 տոննա ոսկի, ևս 42 տոննա օգտագործվել է սվոփ գործարքներում: Կենտրոնական բանկը չի մեկնաբանել այդ հաշվարկները։