Թուրքիայում 31 անօրինական միգրանտ է ձերբակալվել, որոնց թվում եղել են Ադրբեջանի և Աֆղանստանի քաղաքացիություն ունեցող անձիք։

Թուրքիայի Չանաքքալեի Այվաջըք շրջանում ձերբակալվել է 31 անօրինական միգրանտ, որոնց թվում եղել են կանայք և երեխաներ, այս մասին հայտնում են թուրքական ԶԼՄ–ները։

Թուրքիայի առափնյա պահպանության հրամանատարության շարժական ռադարը Այվաջըքի ափերի մոտ հայտնաբերել է շարժվող ապակեպլաստե փչովի նավակ, որտեղ գտնվում էր անօրինական միգրանտների խումբ։

 Թուրքիայում նավերի կողմից իրականացված գործողության արդյունքում ձերբակալվել է 31 մարդ՝  այդ թվում 9 երեխա, որոնք ունեն Աֆղանստանի և Ադրբեջանի քաղաքացիություն։

Նրանք գործընթացների ավարտից հետո տեղափոխվել են Այվաջըքի Միգրանտների ընդունման և ուղարկման կենտրոն։