Տարեկան առնվազն երկու համաշխարհային աստղ համերգով հանդես կգա Հայաստանում

Կառավարությունը որոշել է, որ ամեն տարի առնվազ երկու համաշխարհային աստղ ելույթներով հանդես կգա մեր երկրում: Իսկ այս մասին խոսել է ՀՀ վարչապետ Նիկոլ Փաշինյանը՝ ներկայացնելով իշխող «Քաղաքացիական պայմանագիր» կուսակցության նախընտրական ծրագիրը։

Անդրադառնալով այն քննդատություններին, որ դա բյուջեի համար լրացուցիչ ծախս է,վարչապետն ասել է.«Ուզում եմ ասել հետևյալը, որ մեր բոլոր հաշվարկները ցույց են տալիս, որ երբ մենք այդ  գումարը ներդնում ենք այս նպատակի համար, այդ գումարի ծախսման արդյունքում այնքան զբոսաշրջիկներ են գալիս Հայաստան և այնքան գումար են ծախսում, որ Հայաստանն ամբողջությամբ հետ է բերում այդ գումարը։ Մի մասն ուղիղ վերադառնում է պետբյուջե, մի մասն էլ գնում է փոքր և միջին բիզնեսին կամ բիզնեսներին ընդհանրապես, տաքսիներին և այլն։ Այս գումարը իրականում մենք ծախսում ենք Հայաստանի քաղաքացիների համար։ Էլ չեմ ասում, որ Հայաստանի իմիջն է բարելավվում դրանով, ինչը իր հերթին այդ համերգներից դուրս մեծացնում է զբոսաշրջիկների հոսքերը»: