Վաղարշապատում լցակայանը տուգանվել է թերլիցքավորման համար. փակցվել է զգուշացնող պաստառ

ՀՀ շուկայի վերահսկողության տեսչական մարմինը ստուգումների արդյունքում թերլիցքավորման փաստ է արձանագրել Վաղարշապատ քաղաքում (Մանուշյան 4/4) գործող «Ալեքս 33» ՍՊԸ-ի լցակայանում, որտեղ վաճառվում է բենզին, դիզվառելիք եվ հեղուկ գազ։

Իրավախախտման համար տնտեսվարողը ենթարկվել է 2 239 209 ՀՀ դրամի վարչական տուգանքի։

Բացի այդ, տեսչական մարմնի ղեկավար Արմեն Կոտոլյանի հրամանով՝ լցակայանում մեկ ամիս ժամկետով փակցվել է «Մենք տուգանվել ենք թերլիցքավորման համար» գրությամբ պաստառ։