Վանաձորում որոնում են Փամբակ գետն ընկած անչափահաս աղջկան

Հունիսի 15-ին առեղծվածային դեպք է տեղի ունեցել Լոռու մարզում։ Ժամը 14:15-ի սահմաններում ահազանգ է ստացվել, որ Վանաձորի Առափնյա փողոցի 3-րդ հատվածում երեխա է ընկել Փամբակ գետը, այս մասին հայտնում է Shamshyan.com-ը։

Դեպքի վայր են ժամանել փրկարարներ, պարեկներ և համայնքային ոստիկաններ, որոնք իրականացնում են լայնածավալ որոնողական աշխատանքներ։ Նախնական տեղեկություններով՝ գետն ընկած երեխան մոտ 15 տարեկան աղջիկ է։

Իրավապահները աշխատում են ականատեսի հետ, որը հայտնել է, որ տեսել է աղջկա՝ գետն ընկնելու պահը։ Միաժամանակ պարզվում է նաև նրա ինքնությունը և հանգամանքները, թե արդյոք մոտակա բնակավայրերից կորած երեխա կա։

Որոնողական աշխատանքները շարունակվում են։