Վրաստանը Հայաստանից ռեկորդային ծավալով ծաղիկներ է ներմուծել

Ըստ Վրաստանի ազգային վիճակագրական ծառայության տվյալների (որոնք վերլուծել է ՏԱՍՍ գործակալությունը)՝ 2026 թվականի մայիսին Վրաստանը Հայաստանից ներմուծել է ռեկորդային՝ 218,2 տոննա թարմ ծաղիկ և կոկոն, հայտնում է «Արմենպրես»-ը:

Նշվում է, որ մայիսին Հայաստանից Վրաստան ներմուծված կտրված ծաղիկների և բողբոջների ծավալը կազմել է 218.2 տոննա կամ 749.9 հազար դոլար։ Սա 2.9 անգամ ավելի է, քան 2025 թվականի մայիսին։ 2026 թվականի ապրիլի համեմատ ներմուծումը աճել է 89%-ով՝ հասնելով ռեկորդային մակարդակի։ Նախորդ ռեկորդը գրանցվել էր այս տարվա մարտին՝ 128.9 տոննա։

Հայաստանից ներմուծված ծաղիկները չեն օգտագործվում վերաարտահանման համար։ Վիճակագրական տվյալների համաձայն՝ անցած ամիս Վրաստանը այս ապրանքային կատեգորիան չի արտահանել համաշխարհային շուկաներ։

Ընդհանուր առմամբ, մայիսին Վրաստանը գնել է 341.7 տոննա ծաղիկ։ Բացի Հայաստանից, ներմուծող երկրների թվում են Էկվադորը (89.3 տոննա), Նիդեռլանդները (23.8 տոննա), ինչպես նաև Քենիան, Թուրքիան, Չինաստանը, Հարավային Աֆրիկան և Իտալիան (ընդհանուր՝ 10 տոննայից պակաս)։