Վրաստանը կստանա ևս 500 միլիոն խորանարդ մետր գազ՝ Ադրբեջանի հետ կնքված լրացուցիչ գազային համաձայնագրի շրջանակներում

Վրացական ԶԼՄ-ների տեղեկացմամբ Վրաստանի վարչապետ  Իրակլի Կոբախիձեն հայտարարել է, որ Վրաստանը կստանա ևս 500 միլիոն խորանարդ մետր գազ՝ Ադրբեջանի հետ կնքված լրացուցիչ գազային համաձայնագրի շրջանակներում։

Հարցին, թե Վրաստանը որ խողովակաշարով է գազ ստանալու Ադրբեջանից, և արդյո՞ք հրաժարվելու է Հարավկովկասյան խողովակաշարում (ՀԿԽ) իր բաժնեմասից, որպեսզի ադրբեջանական կողմը կարողանա ավելի շատ գազ մատակարարել Եվրամիությանը, Վրաստանի վարչապետը պատասխանել է.«Շահ Դենիզի վերաբերյալ կարող եմ ձեզ մեկ բան ասել. երբ խոսքը գնում է գազի մատակարարման, ներմուծման և տարանցման մասին Ադրբեջանից, կան երեք հիմնական ուղղություններ: Կա Շահ Դենիզը, կա այս 20-ամյա պայմանագիրը, և կա երրորդ պայմանագիրը, որը Վրաստանը նույնպես շատ լավ պայմաններով ունի:

Ընդհանուր առմամբ, մեր պայմանագիրը վերաբերում էր բոլոր երեք ուղղություններին, և երկիրը ստացավ իդեալական պայմաններ »,- ասել է Կոբախիձեն: