Վրաստանն ու Ադրբեջանը քննարկել են պաշտպանության ոլորտի համագործակցությունը․ Իրակլի Կոբախիձե

Վրաստանի վարչապետ Իրակլի Կոբախիձեն հայտնել է, որ հանդիպում է ունեցել Ադրբեջանի Հանրապետության պաշտպանության նախարար Զաքիր Հասանովի հետ։

Նրա խոսքով՝ հանդիպման ընթացքում քննարկվել են երկկողմ, տարածաշրջանային և միջազգային համագործակցության հարցեր։

Կոբախիձեն ընդգծել է Վրաստանի և Ադրբեջանի միջև ռազմավարական գործընկերության բարձր մակարդակը, հատկապես պաշտպանության ոլորտում համագործակցության շրջանակում։

Կողմերը նաև կարևորել են տարածաշրջանում խաղաղության և կայունության պահպանումը։

Հանդիպմանը մասնակցել է նաև Վրաստանի պաշտպանության նախարար, փոխվարչապետ Իրակլի Չիկովանին։