Վրացական կողմը հերքել է ԶԼՄ-ներում տարածված այն տեղեկությունը, որ հայկական ելակը Վրաստանի միջոցով քողարկված Ռուսաստան է ուղարկվում որպես երրորդ երկրներից եկող ապրանքներ

 Վրաստանի շրջակա միջավայրի պաշտպանության և գյուղատնտեսության նախարարությունը հերքել է լրատվամիջոցներում տարածված այն տեղեկությունները, որ հայկական գյուղատնտեսական արտադրանքը, մասնավորապես ելակը, Վրաստանի միջոցով քողարկված Ռուսաստան է ուղարկվում որպես երրորդ երկրներից եկող ապրանքներ ։ Հայտարարության համար հիմք է հանդիսացել հայկական «Հրապարակ» թերթի հրապարակումը, որին մեջբերել են նաև այլ լրատվամիջոցներ։ Հոդվածում պնդվում էր, որ Ռուսաստանի կողմից հայկական արտադրանքի ներմուծման վրա սահմանափակումներ սահմանելուց հետո որոշ արտադրողներ սկսել են ելակ արտահանել Վրաստանի միջոցով՝ այն գրանցելով որպես թուրքական։ Այս առիթով Վրաստանի Բնապահպանության և գյուղատնտեսության նախարարություն հաղորդագրություն է տարածել․

«Վրաստանի էկոլոգիայի և գյուղատնտեսության նախարարությունը կտրականապես հերքում է հայկական հրատարակության կողմից հրապարակված տեղեկատվությունը հայկական արտադրանքի ծագման փոփոխության և այլ հարևան երկրների անունից Ռուսաստանի Դաշնություն դրանց ներմուծման՝ վերաարտահանման նպատակով։
Նախարարությունը կարծում է, որ նման տեղեկատվության տարածումը սպեկուլյատիվ է և ոչ միայն չի համապատասխանում իրականությանը, այլև ստվեր է գցում մեր երկրների միջև տնտեսական հարաբերությունների վրա։
Մենք խորը մտահոգություն ենք հայտնում հարևան երկրում քաղաքական պատերազմի նման դաժան ձևերի վերաբերյալ, որտեղ մեր երկիրը անարդարացիորեն թիրախավորվում է»։