Զովունիում 116 մլն դրամի գողության գործը ուղարկվել է դատարան․ ՔԿ

Քննչական կոմիտեն ավարտել է Զովունի բնակավայրում 2025 թվականի սեպտեմբերին կատարված խոշոր գողության գործի նախաքննությունը, այս մասին հայտնում է ՀՀ քննչական կոմիտեն։

Ըստ մեղադրանքի՝ նախկինում բազմիցս դատապարտված Ս.Ա.-ն երկու անձանց հետ ապօրինի մուտք է գործել ընկերության վարչական շենք և հափշտակել շուրջ 116 մլն դրամ, 10 հազար ԱՄՆ դոլար և որսորդական հրացան։

ՔԿ-ի տվյալներով՝ Ս.Ա.-ի մասնակցությունը հաստատվել է, մասնավորապես, դեպքի վայրում հայտնաբերված հետքերի դատագենետիկական փորձաքննությամբ։ Նա կալանավորված է, իսկ նրա գույքի, այդ թվում՝ Դավթաշենում ձեռք բերված բնակարանի վրա արգելանք է դրվել։

Քրեական վարույթը մեղադրական եզրակացությամբ ուղարկվել է դատախազին՝ դատարան փոխանցելու նպատակով։