Ստեփանավանի բնակիչները իրենց պատասխանը կտան այս ամենին. Արթուր Միքայելյան

«Ուժեղ Հայաստան» կուսակցության անդամ Արթուր Միքայելյանը Ստեփանավանի համայնքապետի թեկնածու Արսեն Գևորգյանի կալանավորումը քաղաքական ճնշումների համատեքստում է դիտարկում։

Լրագրողների հետ զրույցում Միքայելյանը պնդել է, որ ընտրություններից առաջ ընդդիմության ներկայացուցիչների ձերբակալությունները կրկնվող երևույթ են՝ իշխանության՝ պարտվելու մտավախության պատճառով։

Նա անհեթեթություն է որակել Արսեն Գևորգյանին առաջադրված ընտրակաշառքի մեղադրանքը՝ նշելով, որ հրապարակված տեսանյութում պատկերված անձինք ավագանու և կուսակցության անդամներ են։

«Ինչ վերաբերում է Ստեփանավանի բնակիչների արձագանքին, վստահ եմ՝ նրանք իրենց պատասխանը կտան այս ամենին»,- հայտարարել է Միքայելյանը։